Vita soa aman-tsara androany ny fambolen-kazo izay nataon’ny Antoko Malagasy Miara Miainga teny Ambohijanaka. Tontosa nandritra izany ihany koa ny fanaovan-tsonia ny fiaraha-miasa eo amin’ny Antoko Malagasy Miara-Miainga sy ny kaominina Ambohijanaka momban’ny fambolen-kazo sy ny fikarakarana izany mandavataona. Nandritra ny kabary nataon’ny filohan’ny Antoko MMM Andriamatoa Hajo ANDRIANAINARIVELO no nilazany fa manana olomboafidy maro ary lanim-bahoaka ny Antoko dia ny Loholona, Solombavambahoaka, Ben-tanana, Mpanolotsaina izany izay nanohana sy nampandany izao fitondrana izao. Notsindriany manokana ny antsojay maro samihafa izay atao amin’ny mpikambana any amin’ny faritra fa fitondrana iaraha-manana izy ity ka aoka tsy hifanilikilika ka asakasak’ireo izay mitady olana amin’ny Antoko MMM. Koa samia mandray izay tandrify azy ny tsirairay ao anatin’ny fampandrosoana.
« Izay manoro lalana mahitsy mamindra aina. »
